உயிர்வாழ் மண்டலங்களின் முக்கிய பகுதிப்பொருட்கள் ஆக்சிஜன்,கார்பன்,ஹைட்ரஜன்,நைட்ரஜன், ஆகிய நான்கு தனிமங்களும்,இந் நான்கிற்கு அடுத்த நிலையில் உள்ளவை பாஸ்பரஸ்,கால்சியம்,பொட்டாசியம்,கந்தகம்,சோடியம்,குளொரின் ஆகும்.இவற்றைத்தவிர கீழ்காணும் தனிமங்களும் மிக,மிக குறைந்த அளவில் உயிர்களில் காணப்படுகின்றன. இரும்பு,மாங்கனீஸ்,தாமரம், அயோடின்,கோபால்ட், துத்தநாகம்,சிலினியம்,மாலிப்டினம்,போரியம்,,ஸ்ட்ரான்ஸீயம்,காரியம்,டைட்டானியம்,ரூபிடியம்,லீதியம்,ஆர்சனிக்,புரோமின்,உயிர்வாழ் மண்டலங்களை உருவாக்கும் இத்தனிமங்கள் எந்தவொரு சூழ்நிலை மண்ட்லத்திலும் தொடர்ந்த மறு சுழற்சிக்கு (recycling) உட்படுகின்றன.தனக்குத்தானே உணவூட்டம் பெறுகின்ற தாவரங்களின் முதன்மை உற்பத்தியால்(primary productivity) தோன்றும் பொருட்கள்,உயிரற்ற (abiotic) மற்றும் உயிருள்ள(biotic) தொடர்செயல்களால் ஒரு சுழ்நிலை மண்டலத்திற்குள் சுழன்றுகொண்டே இருப்பதால்தான் ஒரு சுழ்நிலை மண்டலம் நிலைநிறுத்தப்படுகிறது என்பது அறிவியல் உலகம் ஐயம்திரிபற ஏற்றுக்கொண்ட உண்மையாகும்.